Services aux citoyens
Verëffentlecht den 2 Minutte Lieszäit

Weltkannerdag 2026: Zesumme fir d'Kannerrechter

LU

Haut, den 20. November, ass Weltkannerdag. Op dësem Dag gouf 1989 d’UNO-Konventioun iwwer d’Rechter vum Kand ugeholl. De Weltkannerdag erënnert eis drun, wéi wichteg et ass, Kanner ze schützen, hinnen nozelauschteren an hinnen déi bescht Méiglechkeete fir hir Entwécklung ze bidden.

Fir d’Gemeng Stengefort ass d’Wuelbefanne vun de Kanner all Dag eng Prioritéit. Mir setzen eis fir e séchert, respektvollt a fërderlecht Ëmfeld an, an deem all Kand sech entfale kann.

Als Zeeche vun eiser Ënnerstëtzung huelen d’Mataarbechter·innen vun der Gemeng an d’Equipe vun der Schoul un der UNICEF-Aktioun #GoBlue deel, andeems si sech blo undoen oder e bloen Accessoire droen. Blo ass déi symbolesch Faarf vum Weltkannerdag.

Ausserdeem ginn d’Gemengenhaus an d’Schwämm dës Deeg blo beliicht, fir e staarkt Signal fir d’Rechter vun de Kanner ze setzen.
Zesumme kënne mir dozou bäidroen, datt all Kand gehéiert, respektéiert a geschützt gëtt.

EN

Today, 20 November, is World Children's Day. It marks the anniversary of the adoption of the United Nations Convention on the Rights of the Child in 1989. This day reminds us of the importance of protecting children, listening to them and providing them with the best opportunities to grow and thrive.

For the Commune of Steinfort, the well-being of children is a daily priority. We are committed to providing a safe, respectful and supportive environment where every child can flourish and reach their full potential.

As a sign of our support, municipal staff and the school team are taking part in UNICEF’s #GoBlue campaign by wearing blue clothing or accessories. 

In addition, the Town Hall and the swimming pool are illuminated in blue these days to send a strong message in support of children's rights.

Together, we can help ensure that every child is heard, respected and protected.