Centre sportif
D’Gemeng Stengefort baut eng nei Sportshal, déi e moderne Komplex forme wäert, no bei de Schoulinfrastrukturen, mat engem gudden Zougang zu Fouss esou gutt fir d’Kanner wéi fir d’Awunner·inne vu Stengefort an den Nopeschuertschaften.
Déi al Sportshal mat Schwämm gouf am Joer 1975 gebaut an huet déi lokal a regional Veräiner, souwéi d’Schoulklasse wärend Joerzéngte gutt zerwéiert. Awer mam demografesche Wuesstum vun der Gemeng huet se den aktuelle Bedierfnesser vun der Schoul a vun de Sportsclibb net méi stand gehalen.
Deen neie Komplex gëtt um Site vum ale Kulturzenter Roudemer (am Januar 2021 ofgerappt) gebaut, enger Plaz, déi zeréckbehale gouf, well se no bei der Maison Relais an der Schoul läit, a se erlaabt déi bestoend Heizungszentral ze benotzen, fir ze hëtzen.
Den neie Komplex besteet aus:
- enger moderner Schwämm mat Sauna-Beräich,
- enger Turnhal, fir verschidde Sportsaktivitéiten,
- enger Salle omnisports, andeelbar, mat engem Beräich fir den Aerotrampolin, eng Kloterwand an enger Tribün fir 380 Zuschauer,
- engem Fitnesssall a kleng Reuniounssäll fir d’Veräiner,
- engem ënnerierdesche Parking mat 108 Plazen, 6 dovunner reservéiert fir Persoune mat ageschränkter Mobilitéit a 6 mat elektresche Luedstatiounen.
De Bau leeft an zwou Phasen: d’Schwämm an d’Turnhal fir d’éischt, an dann déi grouss Salle omnisports. D’Schwämm huet hir Dieren Enn 2025 fir d’Schoulen opgemaach, dunn Ufank 2026 fir d’Ëffentlechkeet, an zur selwechter Zäit eng vun den Turnhalen. De Rescht vun der Baustell ass nach amgaangen an de Schluss vun den Aarbechten ass virgesi fir Enn 2027.
De Gesamtbudget vum Projet erhieft sech op 45,3 Milliounen Euro, ënnerstëtzt mat 14,3 Milliounen Euro vum Sportsministère, am Kader vum 12. Fënnefjoresplang fir d’Finanzéierung vun der Sportinfrastruktur.
De Projet integréiert och energeetesch an Ëmwelt-Iwwerleeungen: eng Fotovoltaikanlag ass um Daach installéiert, an Zesummenaarbecht mat der Coopérative énergétique régionale — LEADER Lëtzebuerg West, a keng zousätzlech Gréngfläch gouf fir dës Konstruktioun zerstéiert.
