Orange Week

Mir si fir Iech do.

Doheem, an enger Koppel, am Häerz vun enger Famill ass haislech Gewalt net ëmmer erkennbar. Se ka verschidde Formen unhuelen:

• Kierperlech Formen, heiansdo eendeiteg: Droungen, Beleidegungen, Schléi, Stéiss, Gerangel, Verletzungen, Stranguléierungen, Fräiheetsentzuch, Vergewaltegungen;
• Psychesch Formen, méi stëll: Erniddregungen, stänneg Kriticken, emotional Erpressungen, Belästegung, Aschüchterung, Ofwäertung, Beschëllegungen, Veruechtung, Entzéie vu Fräiheeten.

Jiddereen·t kann Affer vun haislecher Gewalt ginn, egal wéi säi soziaalt Ëmfeld, seng Kultur, seng Hierkonft, säi Geschlecht oder säin Ausbildungsniveau ass.

Déi gewalttäteg Persoun kann en·g aktuell·en oder fréier·e Partner·in sinn, oder e Member vun der Famill am gréissere Sënn. D’Gewalt ka reegelméisseg oder permanent, siichtbar oder net siichtbar sinn. An alle Fäll ass se inakzeptabel a verwerflech.

Wou kann ech Hëllef kréien?

Fir der Gewalt ze entkommen, eng Situatioun ze mellen oder eng Begleedung ze froen, ginn et e puer Léisungen:

• D’Berodungszentren – Hei kritt Dir streng vertraulech Gespréicher mat Spezialisten a Spezialistinnen, déi Iech nolauschteren a mat Iech no Léisunge sichen, fir Iech ze schützen.
• D’Police – Hei kritt Dir Informatiounen a Rotschléi. Dir kënnt och eng Plainte géint déi Persoun maachen, déi Iech bedrot, oder eng Prozedur ufroen, fir dës Persoun ze verflichten d’Wunneng wärend enger bestëmmter Zäit ze verloossen.

Dës Servicer sinn och op fir déi gewalttäteg Persounen, déi sech wëllen hëllefe loossen.

Nëtzlech Kontakter