Owes-Maart

Stengeforter Owes-Maart

Den Owes-Maart gouf 2009 an d'Liewe geruff fir de lokale Geschäftsleit eng Plattform ze bidden fir sech den Awunner virzestellen. Mëttlerweil ass den Owes-Maart regional ausgeriicht, dat heescht och regional Entreprise kënne matmaan an zanter 2016 gëtt parallel mam Owes-Maart och gemeinsam en Ëmwelt-Maart organiséiert.

Gouf den Owes-Maart am Ufank nach all 1. Freideg am Juli op der Maartplaz virum Gemengenhaus organiséiert, ass en zanter 2015 bei de Centre Roudemer an de Weier zu Stengefort (rue de Hagen) geplënnert.

Fir Iessen a Gedrénks ass beschtens an enger flotter summerlecher Atmosphär gesuergt, an dat mat flotter Dekoratioun a Beliichtung.

Och eng Musiksgrupp suergt all Joers fir gutt Stëmmung.