Chrëschtmaart

Stengeforter Chrëschtmaart

De Stengeforter Chrëschtmaart besteet ënnert der aktueller Form mat den Holzchaleten schonns zanter elo 15 Joer a fënnt all Joers ëmmer den 2. an 3. Weekend vum Dezember statt.

En ass wäit iwwert d'Grenze vun der Gemeng Stengefort eraus bekannt an huet mat de Joeren ëmmer méi Visiteuren ugezunn. Haut zielt de Chrëschtmaart also méi wéi 30 Chaleten wou Kulinaresches an Handwierkleches ugebuede gëtt, en Zelt an e grousse Chalet wou d'Leit sech wierme kënne goen a gemittlech eppes drénken.

Fir Iessen an Drénken suergen eis lokal Veräiner an hire Chaleten:

- Athletico Stengefort
- Sporting Club Steinfort
- Fëscherclub Stengefort
- Pompjeeën & Jugendpompjeeën
- Stengeforter Guiden a Scouten
- Volleyball-Club Stengefort
- Stengeforter Musek
- Stengeforter Deckelsmouken
- Club des Jeunes Hoen-Klengbetten
- Grupo Danças et Cantares Aldeias de Portugal
- Tennis Club Stengefort
- & Schoulkanner aus der Gemeng Stengefort (École fondamentale & Maison Relais)


E grousse musikalesche Programm gëtt och iwwert di 6 Deeg gebueden mat net manner wéi 16 Gruppen.

En Deel vum Erléis deen op eisem Chrëschtmaart erakënnt, gëtt all Joers un 2 Associatiounen fir de gudden Zweck gespend.